THE WATERGAW, by CHRISTOPHER MURRAY GRIEVEPoet AnalysisPoet's Biography
First Line: Ae weet forenicht I' the yow-trummle Last Line: What your look meant then. Alternate Author Name(s): Macdiarmid, Hugh
AE weet forenicht i' the yow-trummle I saw yon antrin thing, A watergaw wi' its chitterin' licht Ayont the on-ding; An' I thocht o' the last wild look ye gied Afore ye deed!
There was nae reek i' the laverock's hoose That nicht -- an' nane i' mine: But I ha'e thocht o' that foolish licht Ever sin' syne; An' I think that mebbe at last I ken What your look meant then.
